YE KAISA RISHTA !!

Jab se tujhko jaana maine sadiyion sa tujhko paaya hamne 

Jab jab tujhko dekha maine  sapno ko such paya humne 

ye kaisa rishta

har lamhe itne pahchane se jo bhi tere sath gujarte hain

aisa lagta hai roz kanhi hum tere sath gujarte hain

inn sukhad palo ke har pal me kitna sukh  aaz samaya

ye kaisa rishta

mujhko to tere sung gujre har waqt ki baate yaad rahen

kuch kah sakta hoon shayd tujhse kuch shayad mere pass rahen

tujhse pooche bin bhi maine tujh par ye haq dikhlaya

ye kaisa rishta

hai roz duwa meri rab se ho tera  dukh  mera abse

tuu thaam le ye daman abse hoon khada yanha mai to kab se

tere khatir mit jaane ko hi shayad ye jeewan paya

ye kaisa rishta

written by sunny 

MERI BEHNA !!!

“MERI BEHNA ”

Dikhti hai meri maa jaisi par wo meri bahna hoti hai,

Bhookhi rah kar khud  roz magar jo mujhe khila ke soti hai

Dikhti hai meri maa jaise par wo meri bahna hoti hai

Mere bachpan ko khud jeekar jisne chalna sikhlaya hai

Ramayan geeta padh padh ke sab satya mujhe samjhya hai

Khud kaanto me bhi rahh karke jo mujh par fool piroti hai

Dikhti hai meri maa jaisi par wo meri bahna hoti hai

Barkha ki kaali raato me jo khud to bheeg jaati thi

Ikk boond na mujh par pad jaye chaya mujh par ban jaati thi

Mere jeewan ki dhoop hanta jo chhaye mujhe sanjoti hai

Dikhti hai meri maa jaise par wo meri bahna hoti hai

Ghar ki maryada me rahna jeewan saada sachcha gahna

Meethi boli our such kahana bujurgo ka adar karna

Jeewan me kuch aage badhna kuch bann jaane ki prerna jo hame dilati hai

Dikhti hai meri maa jaise par wo meri bahna hoti hai

Tere aadarsho ko maine apna sidhdhant banaya hai,

Ban sakoon  tere  jaise mai bhi maine sankalp uthaya hai.

Tune to sada bade bankar mera har kasht uthya hai,

Kar sakkoon teri khatir mai bhi kuch ab mera mouka aaya hai

Raxa ka dhaga jo tune mere haatho pe sajaya hai

Teri raxa karoo jeewan bhar ye prunn maine bhi  khya hai

Tuu kyon apni aankho me “Bahna”  ab anosoo ki boond sajoti hai

Dikhti hai meri maa jaise par wo meri bahna hoti hai

For all My Dearest “Sisters” in the celebration of  “Raxa Bandhan”

Written By – Sunny Shukla